Сярод розных мадэляў звярніце ўвагу на джынсы-бочкі, якія могуць дапоўніць любы вобраз.
Модныя эксперты адзначаюць: калі ў гэтым сезоне вы хочаце заставацца ў трэндзе, варта звярнуць увагу на джынсы незвычайнага крою, вядомыя як «бочкі» (barrel jeans). Візуальна іх сілуэт сапраўды нагадвае гэтую форму — ад вузкай таліі штаніна пашыраецца да сярэдзіны ногі, а затым паступова звужаецца да шчыкалаткі.
Дзякуючы такому крою джынсы выглядаюць сучасна і нестандартна, надаючы вобразу лёгкасць і стыльную расслабленасць. Яны не толькі падкрэсліваюць постаць, але і забяспечваюць камфорт у руху, што робіць іх ідэальным выбарам як для паўсядзённых выхадаў, так і для больш элегантных спалучэнняў.
Дызайнеры па-рознаму эксперыментуюць з аб'ёмам, даўжынёй і пасадкай. Ад кароткіх мадэляў, якія адкрываюць шчыкалатку, да падоўжаных варыянтаў, што амаль хаваюць абутак.
Аб'ём таксама можа змяняцца: некаторыя мадэлі толькі злёгку пашыраюцца ў сярэдзіне нагі, ствараючы мяккую, натуральную форму, а іншыя нагадваюць сапраўдныя штаны-балоны з максімальна акцэнтаванай шырынёй.
Пасадка вар’іруецца ад ультравысокай, што падкрэслівае талію і візуальна падаўжае ногі, да больш нізкай, якая стварае расслаблены, паўспартыўны настрой.
Акрамя таго, дызайнеры гуляюць з фактурай і колерам: ад класічнага сіняга і выбеленага дэніму да насычаных адценняў, пачворку і кантрасных радкоў.
Так што джынсы-бочкі сёння — гэта не проста модны трэнд, а сапраўдная пляцоўка для эксперыментаў. Хоць крой выглядае досыць смела і некаторыя яго крытыкуюць праз тое, што ён псуе прапорцыі фігуры і візуальна крывіць ногі, гэтыя джынсы не менш практычныя за любы іншы фасон. Каб збалансаваць сілуэт, лепш іх спалучаць з абцягваючым верхам. Такія джынсы гарманічна выглядаюць з вузкімі блузкамі і футболкамі, а вось з oversize-рэчамі могуць зрабіць вобраз занадта грувасткім.
Цяпер чытаюць
Палітвязень Ермашук назваў імёны зняволеных, якія стучалі адміністрацыі калоніі і псавалі яму жыццё10
Каментары