У Гомельскім абласным судзе 6 лютага ў закрытымі рэжыме пачнуць разглядаць справу 35-гадовага мясцовага жыхара Юрыя Залатухіна. Яго абвінавачваюць паводле арт. 356 КК (здрада дзяржаве). Працэс будзе весці суддзя Дзмітрый Казлоў. Пакуль невядома, у чым дакладна абвінавачваюць мужчыну, піша «Вясна».
Верагодна, Юрыя затрымалі напрыканцы верасня 2024 года. Тады яго асудзілі паводле арт. 19.11 КаАП (распаўсюд экстрэмісцкіх матэрыялаў).
Праз 15 сутак зноў адбыўся суд па гэтым жа артыкуле, таму, хутчэй за ўсё, яму двойчы прызначалі арышт, пасля чаго перазатрымалі ў межах крымінальнай справы.
Мяркуючы па сацсетках, жонка Юрыя — украінка Ірына Залатухіна. Вядома, што Юрый пэўны час працаваў на будоўлі, але інфармацыі пра яго апошняе месца працы няма.
Каментары