Паліна Шарэнда-Панасюк абскарджвае апошні прысуд — але яго абскарджвае і пракуратура
Паўтара месяца таму Паліне дадалі год калоніі. Гэта быў ужо трэці прысуд па арт. 411 за нібы «злоснае непадпарадкаванне адміністрацыі калоніі».
Паводле берасцейскай «Вясны», на 13 снежня ў Гомельскім абласным судзе прызначаны разгляд апеляцыйнай скаргі на гэты апошні прысуд Паліне.
Але адначасова, па інфармацыі крыніц «Вясны», вынесены Паліне прысуд абскарджвае і Гомельская абласная пракуратура.
Магчыма, пракуратура жадае надаць Паліне статус «небяспечнай рэцыдывісткі». Таксама магчыма, што Паліну перавядуць на строгі рэжым утрымання.
Нагадаем, што Паліна Шарэнда-Панасюк была затрымана 3 студзеня 2021 года і з таго часу знаходзіцца за кратамі. За час зняволення ў Паліны пагоршыўся стан здароўя, з'явіўся хранічны панкрэатыт. На волі жанчыну чакае двое сыноў, Славамір і Стах.
Каментары