Навукоўцы абверглі міф, што людзі пасля спажывання алкаголю лічаць іншых больш прывабнымі
Такі стэрэатып часта паказваецца ў фільмах і кнігах. Аднак амерыканскія навукоўцы развеялі гэты міф.
Для эксперымента яны адабралі 36 мужчын ва ўзросце ад 21 да 27 гадоў. Ім прапаноўвалі выпіць гарэлку з журавінавым сокам і безалкагольны напой. Пасля гэтага мужчыны ацэньвалі прывабнасць людзей, якіх ім паказвалі на фота і відэа.
Выявілася, што алкаголь не паўплываў на ўспрыманне прывабнасці ўдзельнікамі эксперымента. Затое пацвердзіўся іншы міф: пад уздзеяннем алкаголю людзі станавіліся больш смелымі. Тыя, хто выпіў, у 1,7 разу часцей казалі, што былі б гатовыя пазнаёміцца з людзьмі, якіх яны назвалі прывабнымі.
Каментары