Dniom 21 lutaha słonimskija ratavalniki atrymali paviedamleńnie ab uzharańni ŭ vioscy Małyšavičy. Miascovaja žycharka raskazała, što ŭ jaje na pryvatnym padvorku haryć haspadarčaja pabudova, a ad jaje ŭžo zaharełasia suchaja trava.
Kali padraździaleńni MNS prybyli na miesca zdareńnia, połymia ŭžo achapiła kala 30 kvadratnych mietraŭ. Ratavalniki chutka ŭsio patušyli, ale ahoń paśpieŭ paškodzić ścieny i dach budynka.
Chutčej za ŭsio, pryčynaj pažaru stała nieaściarožnaje abychodžańnie z ahniom pry spalvańni śmiećcia. Heta zvyčajnaja źjava dla ŭładalnikaŭ dačnych i pryvatnych damoŭ z nadychodam ciapła. Jak praviła, połymia ad vohnišča chutka pierakidvajecca na suchuju travu, raspaŭsiudžvajecca na vialikuju płošču i spynić jaho vielmi składana.
Kamientary