Palina Šarenda-Panasiuk zhadała samy trahičny momant u źniavoleńni
«I ty adrazu razumieješ, što ŭsio, ty nie vyjdzieš, heta nie spracavała. I što dalej? U mianie tady adbyŭsia psichičny zryŭ».
Zhadvajučy svajo źniavoleńnie, Palina Šarenda-Panasiuk adznačaje, što samym trahičnym momantam byŭ toj, jaki jana pieražyła ŭ mai 2024 hoda.
«Pajšoŭšy na ich umovy, padpisaŭšy hetyja papiery — pamiłoŭku, daŭšy hetak zvanaje intervju, to-bok, pramoviŭšy toje, što jany chacieli, faktyčna dyskredytavaŭšy siabie ŭ vačach demakratyčnaj supolnaści Biełarusi, było spadziavańnie (nie było stoadsotkavaj upeŭnienaści), što štości spracuje i vypuściać», — raskazvaje žančyna ŭ novym vypusku tok-šou «Žyćcio-malina».
Pa słovach Paliny, jana ź vialikim napružańniem čakała 21 maja 2024 hoda, kali pavinien byŭ skončycca jaje termin:
«Ty ŭvieś trymciš, razumieješ, što apošnija piać dzion buduć krytyčnymi — albo ty vychodziš, albo nie».
Adnak spadziavańni na lepšaje nie zbylisia:
«Voś pačynajucca hetyja piać dzion. Dzień, druhi. I na treci prosta, kali vyvodziać z prahułki: «Šarenda, zajdzicie ŭ kabiniet». Ty zachodziš i bačyš tuju samuju žančynu — Martyniuk Natallu. Heta taja, jakaja dvojčy, u 23-m i 24-m hodzie, vykonvała ŭ adnosinach da mianie rolu śledčaha.
I jana suje papierku: «Aznajomciesia, suprać vas zaviedziena ….» I ty adrazu razumieješ, što ŭsio, ty nie vyjdzieš, heta nie spracavała. I što dalej? Znoŭ usio paŭtorycca, paŭtorycca, paŭtorycca. Znoŭ hetyja ŠIZA, znoŭ varjackija etapy, znoŭ usie ździeki, usie katavańni.
I ty nie ŭbačyš svaich dziaciej, nie ŭbačyš svaich synoŭ, jakich, ja dumała, što voś užo moža praz try dni ŭbaču. I razumieješ, što ty, moža, užo nikoli nie ŭbačyš», — zhadvaje Palina i dadaje, što ŭ toj momant u jaje adbyŭsia psichičny zryŭ.
Ciapier čytajuć
Palitviazień Jermašuk nazvaŭ imiony źniavolenych, jakija stučali administracyi kałonii i psavali jamu žyćcio3
Kamientary
A Palinie i Andreju dziakuj za pamiatnyja vystupy ŭ Biarozie ŭ 2020-m, za nadzieju, jakaja tady za tydzień da 09.08 łunała ŭ pavietry razam z nacyjanalnymi ściahami.