U Smalavickim rajonie pradajuć asabniak-kompleks amal za čatyry miljony dalaraŭ
Jość taksama ŭłasny kinateatr, spa-zona, vinny pohrab i chaładzilnaja kamiera. Ahulnaja płošča terytoryi — 4200 «kvadrataŭ».
Za 19 km ad Minska na prodažu pastavili dom, za jaki prosiać 12,6 młn rubloŭ, abo kala 3,9 miljona dalaraŭ. Abjava źjaviłasia na sajcie Realt.by.
Dom raźmiaščajecca ŭ vioscy Sasnovaja la MKAD-2 Smalavickaha rajona. Jon byŭ pabudavany ŭ 2022 hodzie.
Kupić prapanujuć nie prosta katedž, a kompleks płoščaj 1100 kv. m, u jaki ŭvachodziać try budynki: žyły dom — 951,2 kv. m, haściavy dom — 92,1 kv. m i letniaja kuchnia z saŭnaj — 57,2 kv. m. U apisańni łota nazyvajuć jaho «domam vašaj mary».
U im piać spalniaŭ z sanvuzłami, bankietny zał dla pryjomu haściej, dva kaminy. Jość taksama ŭłasny kinateatr, spa-zona, vinny pohrab i chaładzilnaja kamiera. Ahulnaja płošča terytoryi — 4200 «kvadrataŭ». Praduhledžany zona barbiekiu, ratonda, altanka i vadajom.
Kamientary