Pieršaja ŭ Biełarusi ŭstanova takoha farmatu pracuje kruhłasutačna. Ale adpačyć u joj nie atrymacca.
Pra niezvyčajny abjekt paviedamiŭ biełaruski błohier Kakabaj, jaki vypadkova zaŭvažyŭ budku kala parkoŭki padčas naviedvańnia firmiennaha mahazina «BiełAZ».
«Znajšli la parkoŭki kaviarniu-budku, jakoj jašče nie sustrakaŭ. Heta niešta nakštałt samaj maleńkaj kaviarni ŭ śviecie, dzie niama barysta», — adznačyŭ błohier.
Budka krychu bolšaja za zvyčajnuju telefonnuju kabinu. Unutry ŭstalavanaja kava-mašyna, adnarazovyja šklanački, siropy, padłohavy abahravalnik i kamiera nazirańnia. Naviedvalnik sam vybiraje napoj, apłačvaje zakaz i atrymlivaje kavu.
Apłata mahčymaja jak najaŭnymi, tak i kartaj. U mieniu pradstaŭleny amierykana, kapučyna, łate, moka, kakava, bananavy raf i inšyja napoi. Košt adnaho kubačka pamieram kala 200 mł — 3,50 rubla.
Kamientary