Jak śćviardžajecca, pakupnik moh być prapanavany aŭstryjskamu banku rasijskim bokam.
Ziać premjer-ministra Vienhryi Viktara Orbana, Ištvan Cibarc, viadzie pieramovy ab kupli rasijskaha padraździaleńnia Raiffeisenbank. U padrychtoŭcy ździełki, akramia niepasrednych udzielnikaŭ, zadziejničana administracyja Uładzimira Pucina i rasijski Centrabank, — piša Rasijskaja słužba Radyjo Svabody sa spasykaj na aŭstryjskuju hazietu Der Standard.
Jak śćviardžajecca, pakupnik moh być prapanavany aŭstryjskamu banku rasijskim bokam. Krynicy haziety paviedamlajuć, što ŭ ździełcy moža ŭdzielničać i vienhierski «OTP-Bank», adnak tam heta admaŭlajuć.
38-hadovy Cibarc — adzin z najbahaciejšych ludziej Vienhryi, časopis Forbes aceńvaje jaho stan u 370 miljonaŭ dalaraŭ.
Jon žanaty z dačkoj Viktara Orbana, Rachiel, a śfiera jaho biznes-intaresaŭ uklučaje budaŭnictva, bankaŭskija pasłuhi i haściničny biznes.
Jaho niekalki razoŭ padazravali ŭ karupcyjnych suviaziach, adnak prakurorskija pravierki ŭ Vienhryi nie vyjavili nijakich parušeńniaŭ.
Pradać padraździaleńnie, zhodna z rasijskimi zakonami, možna budzie tolki z adabreńniem uładaŭ. Suma prodažu pavinna być na 60 adsotkaŭ nižej za rynkavy košt, a 35 adsotkaŭ atrymanych srodkaŭ pojdzie ŭ rasijski biudžet u jakaści biaspłatnaha ŭznosu.
Kamientary