Холдынг прадаваў прадукцыю «Раскосмасу» і Ульянаўскаму канструктарскаму бюро прыборабудавання.
ААТ «Інтэграл» — кіроўная кампанія холдынгу «Інтэграл» — трапіла ў чарговы санкцыйны спіс ЕС, вынікае з афіцыйна апублікаванага дакумента.
У абгрунтаванні да ўключэння гэтай арганізацыі ў спіс сказана, што «Інтэграл» з'яўляецца пастаўшчыком паўправаднікоў, мікрасхем і іншых высокатэхналагічных тавараў.
Паводле звестак аўтараў дакумента, дзяржхолдынг з Беларусі прадаваў іх, напрыклад, «Раскосмасу» і Ульянаўскаму канструктарскаму бюро прыборабудавання.
Таксама адзначаецца, што расейскі бок інвеставаў у «Інтэграл» 350 млн даляраў. У санкцыйным спісе ёсць і Сяргей Ушко, ураджэнец Беларусі, які з'яўляецца сузаснавальнікам расейскай кампаніі «Тэхналогія развіцця адкрытых сістэм» (ТРАС).
Цяпер чытаюць
Прарэктарка БДУ пісала ў КДБ справаздачу аб тым, як спрабавала перавыхоўваць сем студэнтаў факультэта філасофіі9
Каментары