«Prymaju da 6-7 čałaviek za sutki». Jak prastytutki jeździać da rasijskich vajskoŭcaŭ na akupavanyja terytoryi
Dziaŭčaty pryjazdžajuć u akopy da rasijskich sałdat za 2-3 kiłamietry ad linii frontu na paru dzion. Prymajuć pa 50 klijentaŭ i źjazdžajuć.
Žurnalisty «Viorstki» pahavaryli ź dziaŭčatami, jakija akazvajuć seks-pasłuhi dla rasijskich vajskoŭcaŭ na akupavanych terytoryjach. Pryvodzim samaje cikavaje.
Adkul dziaŭčaty na pieradavoj
Adna z takich dziaŭčat — Marjana. Da vajny jana ŭžo była ŭ seks-industryi. Pracavała ŭ Maskvie, Rastovie, Sočy i Krasnaj Palanie. Pavodle jaje słoŭ, jaje zavabili na akupavanyja terytoryi abiacańniem vysokich dachodaŭ. Kazali, što «ceny možna stavić vyšej, čym na Krasnaj Palanie ŭ Novy hod». Jana nie dumała pra vajnu i bambiožki, pakul nie pryjechała: «Pačuła tut ža niejkija abstreły, ale było ŭžo pozna». Z časam pryzvyčaiłasia.
Marjana pracuje na akupavanych terytoryjach ź lutaha 2023 hoda. Jana pryjazdžaje na dva tydni ŭ Łuhansk, žyvie ŭ apartamientach, prymaje da 6-7 čałaviek za sutki i źjazdžaje, kab, jak jana kaža, adpačyć i pryjści ŭ siabie.
Inšaja hierainia rasśledavańnia — uradženka Maryupala Nadzieja. Da vajny jana pracavała žurnalistkaj, ale paśla razbureńnia horada ŭ 2022 hodzie źbiehła ŭ Rasiju. Tam, z ukrainskim pašpartam, jana nie zmahła znajści pracu i ŭ vyniku pačała zajmacca prastytucyjaj.
Viarnuŭšysia ŭ Maryupal, jana praciahnuła pracavać u seks-industryi. Jana viadzie błoh va «UKantakcie», dzie dzielicca historyjami svaich sustreč z vajskoŭcami i krytykuje rasijskuju dziaržavu.
Nadzieja rehularna vyjazdžaje na pieradavuju, absłuhoŭvajučy klijentaŭ prosta ŭ akopach abo ŭmacavańniach.
«Ja toj čałaviek, jaki pracuje na błokpastach i ŭ akopach. Zaprasić dziaŭčynu na vajskovy abjekt — heta ŭ ich zvyčajnaja źjava. Ja tam i mašynu parkuju», — raspaviadaje dziaŭčyna.
Jak dziejničaje hety rynak
Dla tych, chto šukaje seks, jość dva asnoŭnyja šlachi. Pa-pieršaje, pracuje sarafannaje radyjo. Tyja, chto ŭžo karystaŭsia pasłuhami seks-rabotnic, pieradajuć kantakty tavaryšam.
Druhi varyjant — šmatlikija čaty i hrupy z prapanovami. Bolšaść ich u Telegram, ale možna znajści i «UKantakcie», i navat u «Adnakłaśnikach». U Telegram možna znajści albo čaty znajomstvaŭ, u jakich raźmiaščajucca abjavy, albo śpiecyjalizavanyja kanały, dzie publikujucca ankiety dziaŭčat z fatahrafijami, paramietrami i rascenkami. Časam dziaŭčaty prosta pišuć u čacie: «Svabodnaja, prymu, bieź pieradapłaty», — i stanovicca zrazumieła, pra što idzie havorka.
Suviaź z klijentami adbyvajecca albo napramuju, albo praz pasiarednikaŭ. U kožnaj dziaŭčyny jość svaja schiema pracy: niekatoryja supracoŭničajuć z «mieniedžarami», jakija biaruć pracent za arhanizacyju sustreč, inšyja damaŭlajucca napramuju. Dla sustreč čaściej za ŭsio arandujuć kvatery albo vyjazdžajuć da klijenta.
Seks-pasłuhi na vajnie zabaronieny, ale viadomyja vypadki, kali sałdaty damaŭlalisia z kamandzirami i płacili im, kab tyja zakryvali vočy. Inšy varyjant — vykarystoŭvać čas zvalnieńnia ŭ horadzie.
Papularnaściu karystajucca saŭny, dzie možna nie tolki pamycca, ale i pravieści čas ź dziaŭčynaj. Hałoŭnaje — kab nie złaviła vajskovaja palicyja. U vypadku zatrymańnia pakarańnie moža być žorstkim: ad «jamy» (utrymańnie ŭ ziemlanoj jamie) da adpraŭki na śmiarotny šturm. U takich atakach vyžyvajuć dvoje ź dziesiaci.
Finansavy aśpiekt i niebiaśpieka
Pavodle acenak samich seks-rabotnic, da vosieni 2024 hoda na akupavanyja terytoryi pryjechała nie mienš za 300 žančyn, jakija zajmajucca seksam za hrošy.
Spačatku jechać bajalisia, ale paśla bačyli, jak šmat možna zarabić.
Prykładna 100 žančyn pracujuć u stacyjanarnych bardelach, astatnija nazyvajuć siabie indyviduałkami.
«Adna hadzina — 15-20 tysiač rubloŭ (527-700 biełaruskich rubloŭ. — NN). U cyvilnych na hetych terytoryjach takich hrošaj prosta niama, tamu 99% klijentaŭ — heta vajskoŭcy. Cełaja noč kaštuje ad 70 tysiač rubloŭ (2450 biełaruskich. — NN)», — raskazvaje Marjana.
Pieršy hod vajny prajs byŭ jašče vyšejšy z-za vialikaha popytu. Pa słovach surazmoŭnic, ich zarobak moh dachodzić da paŭtara miljona rasijskich rubloŭ u tydzień (kala 16 tysiač dalaraŭ).
Ale ciapier, na treci hod vajny, košt pasłuh źniziŭsia i nabližajecca da maskoŭskich.
Sami dziaŭčaty adznačajuć, što jeduć pracavać na akupavanyja terytoryi, bo vajskoŭcy hatovy płacić vialikija hrošy, robiać padarunki.
Pa słovach dziaŭčat, samaja papularnaja pasłuha — miniet biez humki. Vielmi zapatrabavany vyjezd u saŭnu, bo vajskoŭcam praściej adprasicca na myćcio ŭ łaźniu, čym vyprošvać u kamandzira vychodny.
Dziaŭčaty adznačajuć, što zapyty klijentaŭ stanoviacca ŭsio bolš raznastajnymi.
«Litaralna ŭčora ŭ mianie było troje chłopcaŭ, jakich ja adstraponiła. Usio čaściej prosiać daminavańnie, hulni sa straponam, kali ja ŭ aktyŭnaj roli», — raspaviadaje adna ź dziaŭčat.
Ale seks — heta daloka nie samaje hałoŭnaje, što treba klijentam. Pa słovach dziaŭčat, časta zamiest fizičnaj blizkaści vajskoŭcy šukajuć prostaj razmovy. Jość navat asobnaja pasłuha — abmien hałasavymi paviedamleńniami — 5000 rasijskich rubloŭ (kala $50). Ale kab pahavaryć užyvuju, daviadziecca płacić jak za seks.
«Jany kažuć: ja płaču hrošy, kab pahavaryć čatyry hadziny, mnie niama z kim bolš razmaŭlać, u mianie ŭ akopach tolki trupy i kamandziry», — dzielicca adna z žančyn.
Praca, niepasredna źviazanaja z seksam, zajmaje pa słovach dziaŭčat, pracentaŭ 40 apłačanaha času.
U seks-rabotnic jość praviła nie razmaŭlać z vajskoŭcami pra palityku, trymać niejtralitet. Nieviadoma, jaki bok zajmaje ich surazmoŭca i jakoje vykazvańnie moža stać tryhieram. Ahresija i hvałt ad vajskoŭcaŭ — častaja historyja. Mnohija pakutujuć ad kantuzij, niervovych razładaŭ, užyvajuć ałkahol i narkotyki.
Pa słovach dziaŭčat, ich nie raz źbivali, hvałtavali. U najbolšaj niebiaśpiecy tyja, chto pracuje ŭ adzinočku. Tyja, u kaho jość «dach» ci sutenior, mohuć raźličvać na abaronu.
«Jedź adsiul!»
Pa słovach seks-rabotnicy Marjany, jana źbiraje na kvateru ŭ Krasnadary i padumvaje ab kupli apartamienta ŭ Daniecku. Jaje dachod składaje ad paŭmiljona rasijskich rubloŭ u miesiac ($5,4 tys.). Navat niahledziačy na toje, što klijentaŭ stała mienš, bo mnohija źjechali ŭ Kurskuju vobłaść, dzie aktyŭna iduć bai. Ź niekatorymi z vajskoŭcaŭ Marjana ŭsio jašče padtrymlivaje znosiny.
Časam vajskoŭcy sprabujuć vyciahnuć dziaŭčat z hetaha biznesu. «Pieravodziać pa 300, 500, 700 tysiač rubloŭ sa słovami: «Jedź! Nie zajmajsia hetym brudam!» Ale ni adna nie źjechała. Hrošy ŭziała», — dzialicca adna z hieraiń.
Kamientary
Počiemu miniet biez prieziervativa stoit v 2 raza diešievle, čiem kuni?