Minčanka vyliła butelku vocatu na hałavu muža, zaśpieŭšy jaho z kachankaj
Mužčyna atrymaŭ apioki.
Minčanka vyliła butelku vocatu na hałavu muža, zaśpieŭšy jaho z kachankaj, pišuć «Minsk-Naviny».
63-hadovaja žycharka Minska ranicaj razam z unučkaj viarnułasia z turystyčnaj pajezdki. Jana zajšła ŭ kvateru i ŭ haścioŭni zastała muža z paluboŭnicaj — jany lažali na kanapie biez adzieńnia.
Minčanka, razhubiŭšysia ad emocyj, uziała na kuchni butelku z vocatam i vyliła jaje na hałavu muža.
Paśla incydentu mužčyna kudyści pajechaŭ, ale viarnuŭsia dadomu ŭdzień razam ź milicyjaj.
U dačynieńni da žančyny była zaviedzienaja kryminalnaja sprava.
Pavodle vysnovy ekśpierta, muž atrymaŭ apioki levaha voka, a taksama apioki hałavy, šyi, tułava ahulnaj płoščaj kala 11% cieła.
Žančyna pracuje prybiralščycaj u dziaržaŭnaj ustanovie. Jana była abvinavačanaja pavodle častki 1 artykuła 149 Kryminalnaha kodeksa — naŭmysnaje pryčynieńnie mienš ciažkaha cialesnaha paškodžańnia.
Pa hetym artykule praduhledžvajecca pakarańnie da troch hadoŭ pazbaŭleńnia voli sa štrafam abo bieź jaho.
Minčanka poŭnaściu pryznała vinu i raskajałasia ŭ zroblenym.
Kamientary