U novaj halivudskaj kamiedyi «Znoŭ u spravie» hałoŭnyja hieroi, jakich hrajuć Kemieran Dyjas i Džejmi Foks, supraćstajać biełaruskamu hanhstaru, jaki sprabuje zachapić u svaje ruki supierzbroju. Pra heta paviedamlajecca ŭ recenzijach kinakrytykaŭ — naprykład, na sajcie filmstarts.de, zaŭvažyŭ sajt «Biełaruś i śviet».
Film režysiora Seta Hordana vyjšaŭ 17 studzienia 2025 hoda na servisie Netflix. U im źnialisia taksama Hlen Kłoŭz, Kajł Čandler, Endru Skot, Džejmi Demietryu. U roli našaha suajčyńnika zaniaty polski akcior Robiert Biesta.
Pavodle scenaryja, dvoje ahientaŭ CRU, vyžyŭšy ŭ avijakatastrofie, vyrašajuć inscenavać svaju śmierć i pačać žyć jak «zvyčajnyja» sužency. Praz šmat hadoŭ ich tajamnica vypadkova raskryvajecca, i za paraj, jakaja ŭžo maje dvuch dziaciej, pačynajuć palavańnie bandyty.
Reč u tym, što Emili i Met, zaviaršajučy svajo apošniaje zadańnie, vykrali ŭ biełaruskaha mafijozi Baltazara Hora i vieźli ŭ tym samym samalocie niejki «Kluč» — pryładu, jakaja daje vialikija mahčymaści dla kibierteraryzmu. I Hor choča viarnuć jaho.
Kamiedyjny bajavik rekłamujecca jak «viartańnie Kemieran Dyjas». Reč u tym, što apošni raz aktrysa źjaŭlałasia na ekranach 10 hadoŭ tamu — u filmie-adaptacyi bradviejskaha miuzikła «Eni», paśla čaho abviaściła, što pakidaje kino.
51-hadovaja aktrysa Kemieran Dyjas naradziła druhoje dzicia
Styvien Kinh zaklikaŭ admianić «Oskar» praz pažary ŭ Łos-Andželesie
Tramp zaklikaŭ Stałone, Hibsana i Vojta adradzić Halivud
Biełaruski film trapiŭ u konkurs Bierlinale. Pra što jon?
Raman z fejkavym Bredam Pitam kaštavaŭ žančynie €830 tysiač. Jana navat raźviałasia z realnym mužam
Kamientary