Ad Harbuza da Harcujevaj — ścižma zornych biełaruskich akcioraŭ źniałasia ŭ stužcy rasijskaha režysiora. Što za kino?
Sioleta adbudziecca premjera debiutnaha poŭnamietražnaha filma režysiora i pa sumiaščalnictvie scenarysta z ruska-niamieckimi karaniami Mikałaja Haściuchina «Debaty». Zdymali jaho ŭ Polščy, i značnuju častku rolaŭ vykanali biełaruskija akciory, jakija raniej hrali ŭ RTBD i Kupałaŭskim.
Pra što budzie film?
Pra sapraŭdnyja demakratyčnyja debaty, u jakich buduć zadziejničanyja roznyja hieroi, jakich čakaje niaprosty vybar.
Usiaho ŭ pracy nad filmam zadziejničali niekalki sotniaŭ čałaviek — kamanda padabrałasia internacyjanalnaja. Zdymali ŭsio ciaham lutaha 2024 hoda ŭ Varšavie. Hałoŭnych piersanažaŭ u stužcy hrajuć estonskaja aktrysa Natalla Dymčanka (Hanna) i rasijska-amierykanskaja — Maryja Maškova (Maryja).
Što tyčycca biełarusaŭ, tut zadziejničali sapraŭdy zorny skład. Tak, Valancina Harcujeva syhrała maderatarku debataŭ. Mikałaj Stońka — hukarežysiora. Michaś Zuj vykanaŭ rolu adnaho z vybarščykaŭ, što siadziać na scenie i dahetul nie vyrašyli, za kaho buduć hałasavać. Aleh Harbuz hraje hienieralnaha prakurora, a Ihar Sihoŭ — ułaśnika bujnoj naftavaj kampanii.
Raniej Mikałaj Haściuchin ščylna pracavaŭ z tvorčaściu dramaturha Ivana Vyrypajeva. Tak, pa pjesie «Iluzii» jon źniaŭ kinaśpiektakl. «Debaty» — jaho pieršaja vialikaja kinapraca.
Premjera kinastužki pavinna adbycca sioleta, ale dakładnaj daty pakazaŭ pakul niama: na hety momant pradziusary jašče zajmajucca kinafiestyvalnym losam filma, a taksama kamunikujuć z roznymi mižnarodnymi dystrybjutarami.
Kvitki na premjeru kupałaŭcaŭ pa apaviadańniach Znaka razabrali za sutki. Raskazvajem unutranuju kuchniu śpiektakla
«Najčaściej da nas na kantrol prychodziła Dryha». Były akcior RTBD — pra cenzuru ŭ teatry, novaha ministra kultury i zdymki ŭ polskaj rekłamie
«Roznakalarovaje pierje ŭ dupach». «Kupałaŭcy» chočuć pastavić śpiektakl na asnovie źlitych danosaŭ u KDB
Kamientary
...
Kanapackaja ?