«Stań častkaj vialikaj Biełarusi». Hiejmiery pačuli niešta dziŭnaje ŭ papularnaj hulni
Pry vybary piersanaža Viktara ŭ šmatkarystalnickaj hulni League of Legends mnohija pačuli jaho niečakany patryjatyčny zaklik. I ciapier nie mohuć jaho rasčuć nazad.
League of Legends (LoL) — heta papularnaja šmatkarystalnickaja anłajn-hulnia, jakuju raspracavała i vydała kampanija Riot Games jašče ŭ 2009 hodzie. Svaim farmatam nahadvaje kultavuju Dotu (DotA). Siońnia «Liha lehiend» źjaŭlajecca adnoj z samych viadomych i paśpiachovych kibierspartyŭnych hulniaŭ u śviecie.
Pa jaje suśviecie taksama vyjšaŭ multsieryjał «Arkiejn» (Arcane), jaki niečakana staŭ sapraŭdnaj padziejaj, pryciahnuŭšy vielizarnuju aŭdytoryju z tych, chto navat nie cikavicca hulniami, i sabraŭ zachoplenyja vodhuki krytykaŭ i hledačoŭ.
Kožny hulec u «Lizie lehiend» kiruje adnym piersanažam-«čempijonam», jakija adroźnivajucca charaktarystykami i zdolnaściami, što robić ich bolš prydatnymi dla toj ci inšaj roli ŭ kamandzie.
Adnym z takich čempijonaŭ źjaŭlajecca piersanaž Viktar, jaki pa siužecie źjaŭlajecca pradvieśnikam novaj technałahičnaj epochi i pryśviaciŭ usio svajo žyćcio prahresu čałaviectva, madyfikavaŭšy svajo cieła z dapamohaj navuki i stali.
Na hetym tydni ŭ sacsietkach źjavilisia videa, na jakim pry vybary piersanaža jon pramaŭlaje karotkuju frazu. Na videa nakładzieny tekst-rasšyfroŭka: «Stań častkaj vialikaj Biełarusi». I mienavita heta čujuć usie hledačy.
Kamientatary žartujuć:
«Druhi prezident Biełarusi na videa»
«A ja vam zaraz pakažu, adkul na Piłtovier (vydumany horad u suśviecie LoL — NN) rychtavaŭsia napad»
«Nu nie darma ž jaho Viktaram zavuć»
«Navat jon pramaŭlaje nazvu krainy pravilna»
«Ja pryjechała ŭ Minsk. Pieršaje videa, jakoje mnie trapiłasia»
Ale jakoje dačynieńnie Viktar maje da našaj krainy? Nasamreč nijakaha, suśviet «Lihi lehiend» całkam vydumany. Jakoje słova nasamreč havoryć Viktar, možna zrazumieć ź inšych videa z hetym piersanažam. U aryhinale jon havoryć pra evalucyju.
Rasčuć «vialikuju Biełaruś» vielmi składana pry prahladzie videa, ale mahčyma — treba prosta pierastać hladzieć na ekran.
Takaja pamyłka słychu vielmi raspaŭsiudžanaja. Ludzi vielmi časta čujuć u anhłamoŭnych pieśniach słovy (a časam i cełyja skazy) ź inšych moŭ. Asabliva efiekt uzmacniajecca, kali naš mozh atrymlivaje praz zrok dadatkovy stymuł čuć nie toje — pamyłkovy tekst, jak u vypadku ź Viktaram z League of Legends.
Hety efiekt taksama nazyvajecca mandehrynam. Aŭtarkaj termina ličycca amierykanskaja piśmieńnica Silvija Rajt. Kali ŭ dziacinstvie joj čytali baładu The Bonnie Earl o'Moray anhlijskaha paeta Piersi Biša Šeli, jana niapravilna razumieła na słych adzin radok.
U aryhinale było tak:
They have slain the Earl O'Moray,
And laid him on the green.
(Jon zabiŭ hrafa O'Moreja
I pakinuŭ jaho cieła na travie)
Ale maleńkaja Silvija čuła zamiest hetaha nastupnaje:
They have slain the Earl O'Moray,
And Lady Mondegreen.(Jon zabiŭ hrafa O'Moreja
I łedzi Mandehryn)
U dalejšym mienavita Rajt prapanavała vykarystoŭvać słova «mandehryn» dla abaznačeńnia takich pamyłak słychu.
«Naša Niva» — bastyjon biełaruščyny
PADTRYMAĆ
Kamientary
z tekstu - "Ale jakoje dačynieńnie Viktar maje da našaj krainy? Nasamreč nijakaha"