Na aŭkcyjonie pradali čarhovuju majomaść palitviaźnia Eduarda Babaryki
Na elektronny aŭkcyjon placoŭki «BiełJurZabieśpiačeńnie» trapiła nieruchomaść asudžanaha na 10 hadoŭ palitviaźnia Eduarda Babaryki — nievialikaje ofisnaje pamiaškańnie ŭ Minsku. 10 kastryčnika abjekt pradadzieny, piša «Lusterka».
Ofis, jaki vystavili na tarhi, znachodzicca na vulicy Šornaj u Minsku. Heta centr stalicy, rajon vulicy Niamiha.
Pamiaškańnie raźmieščana na pieršym paviersie. Heta adzin pakoj z dvuma voknami, jaki zajmaje 30,9 m².
Daŭžnikom pa łocie ličycca Eduard Viktaravič Babaryka. Majomaść była aryštavana pa rašeńni śledčych orhanaŭ, na jaje nakładziena zabarona na ździajśnieńnie rehistracyjnych dziejańniaŭ sudovym vykanaŭcam i rehistrujučym orhanam.
Pavodle danych servisu Kartoteka.by, pa hetym adrasie ciapier zarehistravana dziejnaje TAA «Fleksamir». Paviedamlajecca, što heta mikraarhanizacyja, dziejnaść jakoj — mantaž i ŭstanoŭka pramysłovych mašyn i abstalavańnia.
Na tarhi za ofis zarehistravalisia dva ŭdzielniki. Aŭkcyjon pačaŭsia 10 kastryčnika a 9.00, startavaja suma skłała 129 000 rubloŭ. U vyniku pamiaškańnie było pradadziena za 155 445 rubloŭ.
Kamientary