Mazyrski NPZ pakul tak i nie adnaviŭ abjomy vytvorčaści, jakija byli da letniaha ŭrahanu. Mahčyma, robić heta śviadoma
Mazyrski NPZ dahetul nie adnaviŭ abjomy vytvorčaści da ŭzroŭniu pačatku 2024 hoda. Pavodle krynicy vydańnia «Fłahštok», znajomaj ź situacyjaj na pradpryjemstvie, abjomy vytvorčaści na siońnia składajuć mienš za 20 tysiač ton u sutki, choć mahutnaści zavoda dazvalajuć vypuskać bolš za 30 tysiač ton.
Źnižeńnie abjomaŭ vytvorčaści adbyłosia paśla enierhietyčnaha błekaŭtu, vyklikanaha nastupstvami ŭrahanu, jaki prajšoŭ pa Homielskaj vobłaści 14 lipienia 2024 hoda. U toj čas abjomy ŭpali da 11 tysiač ton, i z taho času jany nie viarnulisia da raniejšaha ŭzroŭniu.
Heta, na dumku «Fłahštoka», paćviardžaje viersiju, što źnižeńnie nahruzki źviazana nie tolki z techničnymi pryčynami, ale i sa stratnaściu vytvorčaści.
Paśla zaviaršeńnia ŭ pačatku 2024 hoda rasijskaha padatkovaha manieŭru, kali Biełaruś abnuliła staŭki ekspartnych pošlin na naftapradukty i pavialičyła padatak na zdabyču karysnych vykapniaŭ, vytvorčaść śvietłych naftapraduktaŭ na Mazyrskim NPZ stała stratnaj. Namieśnik hienieralnaha dyrektara zavoda Aleh Pratasaŭ adznačaŭ, što paśla padatkovaha manieŭru istotna vyraśli ceny na syravinu, jakaja składaje amal 90% u sabiekošcie vytvorčaści naftapraduktaŭ.
Stratnaść vytvorčaści ŭ 2024 hodzie paćviardžajecca taksama danymi Biełstata: straty Mazyrskaha rajona za pieršyja siem miesiacaŭ 2024 hoda skłali ŭžo 659,7 młn biełaruskich rubloŭ.
Dla minimizacyi strat biełaruskich NPZ z 2022 hoda ŭviedzieny miechanizm dempfiera, jaki dziejničaje ŭ Rasii. Jon praduhledžvaje kampiensacyju strat naftapierapracoŭščykaŭ ad prodažu pradukcyi pa cenach nižej za suśvietnyja. Hrošy pastupajuć u vyhladzie zvarotnaha akcyzu za realizacyju bienzinu i dyzielnaha paliva kłasa Jeŭra-5.
Skaračeńnie abjomaŭ vytvorčaści Mazyrskim NPZ moža śviedčyć pra toje, što miechanizm dempfiera nie całkam stymuluje pavieličeńnie abjomaŭ pierapracoŭki nafty. Pryčyny hetaha mohuć być źviazanyja ź niedastatkovaj kampiensacyjaj strat i časovymi zatrymkami pamiž vydatkami na vytvorčaść i viartańniem akcyzu.
«Biełarusnafta» sudzicca za niepastaŭku abstalavańnia adrazu ź niekalkimi zachodnimi kampanijami
Mazyrski NPZ za tydzień lipieńskaha ŭrahanu moh stracić 35 młn dalaraŭ
U Mazyry pierad pryjezdam Łukašenki dvojčy za dzień pakazalna zatrymali rabotnika NPZ
Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu
Kamientary