Raiffeisen Bank International padpisaŭ pahadnieńnie ź inviestaram z Abjadnanych Arabskich Emirataŭ ab vychadzie sa składu bienieficyjarnych ułaśnikaŭ Pryjorbanka.
U paviedamleńni skazana, što hety krok — heta rašeńnie akcyjaniera, jakoje adpaviadaje metam i stratehii bankaŭskaj hrupy Raiffeisen Bank International u siońniašnich realijach.
«U vyniku tranzakcyi 87,74% akcyj «Pryjorbank» AAT piarojdzie Soven1. Jak častka hetaha pahadnieńnia, Soven1 i Raiffeisen Bank International padpisali damovu kupli-prodažu akcyj i buduć pracavać razam z Pryjorbankam nad tym, kab dasiahnuć poŭnaha zaviaršeńnia ŭhody ŭ 4 kvartale 2024 hoda», — havorycca ŭ paviedamleńni.
Zakryćcio ździełki zapłanavana na IV kvartał 2024 hoda.
U Pryjorbanku zapeŭnili, što źmiena ŭłaśnika nie adabjecca na dziejnaści banka i jaho ŭzajemadziejańni z klijentami i akcyjanierami.
Kamientary