Jon sam pryznany terarystyčnym u troch krainach Sajuza
Arhanizacyja, pa słovach kiraŭnika rasijskaha MZS, zacikaŭlenaja ŭ supracoŭnictvie z hrupoŭkaj.
ADKB, kudy ŭvachodzić i Biełaruś, źbirajecca raźvivać supracoŭnictva z talibami, jakija kantralujuć uładu ŭ Afhanistanie.
Pra heta zajaviŭ ministr zamiežnych spraŭ Rasii Siarhiej Łaŭroŭ paśla narady z kalehami z krain-členaŭ arhanizacyi, piša TASS.
«U cełym vystupajem za naładžvańnie bolš ustojlivaha, pastajannaha, pradmietnaha, nacelenaha na realizacyju kankretnych prajektaŭ, dyjałohu z uradam talibaŭ, jaki faktyčna kantraluje krainu», — adznačyŭ Łaŭroŭ.
Pavodle jaho, heta było pieravažnaje mierkavańnie padčas dyskusii ministraŭ.
Łaŭroŭ adznačyŭ, što z terytoryi Afhanistana praciahvaje zychodzić terarystyčnaja pahroza z boku «Al-Kajedy» i «Isłamskaj dziaržavy».
«Urad talibaŭ viadzie z hetymi terarystyčnymi hrupoŭkami baraćbu, i my ličym pryncypova važnym akazvać hetaj baraćbie sadziejničańnie», — zajaviŭ Łaŭroŭ.
Hrupoŭka «Taliban» pryznanaja terarystyčnaj arhanizacyjaj u Rasii, Kyrhyzstanie i Tadžykistanie — krainach-siabrach ADKB.
-
«Alternatyva dla Hiermanii», jakaja vystupaje suprać mihrantaŭ, pieramahaje va Uschodniaj Hiermanii, dzie i tak amal niama mihrantaŭ
-
Novym kancleram Niamieččyny stanie Frydrych Mierc
-
«Tramp, jak i Pucin, chacieŭ by pieradziełu miežaŭ». A amierykanskija kansiervatary idealizujuć režym Pucina jak levyja ŭ svoj čas — Stalina
Kamientary