Spadziajemsia, vy nie znojdziecie svaju pryčosku ŭ hetaj padborcy.
Stryžka — adzin sa sposabaŭ samavyjaŭleńnia. Jana moža padkreślić indyvidualnaść i raskazać pra charaktar čałavieka. Tamu nie varta stavicca da vybaru pryčoski spuściŭšy rukavy. Kab nie pamylicca, aznajomciesia z tymi madelami, jakija kančatkova i biezzvarotna vyjšli z mody.
Vyhalenyja ŭzory
Sučasnaść, u jakoj my žyviem, apošnim časam usio bolš nahadvaje śviet «Varjackaha Maksa», ale paŭtarać styl piersanažaŭ taho filma pakul nie treba.
Navat Ranałdu, jaki doŭhija hady addavaŭ pieravahu ekstravahantnym futurystyčnym pryčoskam, admoviŭsia ad idei vyhalać ŭzory na svajoj patylicy — i nie pamyliŭsia. Takaja stryžka ŭžo nie aktualnaja.
«Mamkin irakiez»
Kali imknieńnie stać pankam sustrakajecca z matulinymi zabaronami, niekatoryja mužčyny robiać «psieŭdairakiez». Asnoŭny minus takoj pryčoski — jana patrabuje dbajnaj układki i vykarystańnia vialikaj kolkaści fiksujučych srodkaŭ.
Dla tych, chto apošnija siezony mučyŭsia z takoj stryžkaj, jość dobryja naviny: jaje možna śmieła sastryhać.
Maračok ci placoŭka
Takaja stryžka była asabliva papularnaja ŭ dzievianostyja — tady «placoŭku» nasili ŭsie samyja viadomyja halivudskija «kiepskija chłopcy». Miarkujučy pa ŭsim, niekatoryja mužčyny zatrymalisia ŭ nastalhii pa hetym dziesiacihodździ.
Nadyšoŭ čas adpuścić minułaje, kab na jaho miesca pryjšło niešta śviežaje i sučasnaje.
Piory
Trend nulavych da hetaha času sustrakajecca na hałovach biełaruskich chłopcaŭ. Treba pryznać, što «piory» niadrenna hladziacca na tyktokierach, a voś z astatnimi takaja stryžka hulaje zły žart — robić vobraz naftalinavym i niadbajnym.
Retra-bibier
Pryčoska załatych časoŭ Bibiera niadrenna pryžyłasia ŭ našych šyrotach: u adzin čas jaje nasiŭ ledź nie kožny padletak. Adnak ciapier hetaja ramantyčnaja pryčoska straciła svaju aktualnaść — čas źviarnuć uvahu na niešta novieńkaje.
Pampadur
Luboŭ da hetaj składanaj kanstrukcyi pryjšła da nas ź Italii. Ale tamtejšyja mužčyny majuć bolš ćviorduju strukturu vałasoŭ i dla ich takaja ŭkładka nie zajmaje šmat času. Našym ža chłopcam davodzicca chitravać: rabić načos dy nanosić mocny stajlinh.
Ci kaštujuć zatračanyja namahańni italjanskaj estetyki — vialikaje pytańnie. Čaściakom toje, što dobra vyhladaje na fota ci na podyumie, u žyćci ŭsprymajecca zanadta vyčvarna.
Hryŭka na pramych vałasach
U 40-ch hadach minułaha stahodździa hetaja pryčoska była papularnaja ŭ paj-chłopčykaŭ. Pasłuchmiany mały z časam vyrastaŭ va ŭzornaha baćku i viernaha muža, a bliskučaja hryŭka sihnalizavała damam, što z takim mužčynam možna śmieła budavać spakojnuju, mocnuju siamju.
Uvieś flor stryžki razburyŭ Hitler — ciapier hryŭka na prabor asacyjujecca mienavita ź im. Ale navat biez hetaha paraŭnańnia takaja pryčoska mała kamu pasuje, a kali dakładniej — uvohule nikomu.
Začos na łysinu
Vałasy, akuratna začasanyja na łysinu, — nie lepšaja maskiroŭka. Takaja pryčoska kidajecca ŭ vočy i tolki padkreślivaje, što adsutnaść vałasoŭ — balučaja tema dla mužčyny. Nastolki, što jon vybiraje być niedarečnym, ale z «šavialuraj», a nie stylnym, ale biez vałasoŭ.
Kali, dačytaŭšy hety artykuł, vy zrazumieli, što z vašymi vałasami usio dobra, nie rassłablajciesia — praviercie, ci niama pamyłak u vašym harderobie.
Pamiatajecie fryka z šykoŭnymi vusami z maršaŭ jabaciek? Voś jak jon ciapier vyhladaje
U Biełarusi jość cyrulnia, dzie možna pastryhčysia za rubiel
U Mahilovie znajšli cyrulniu, jakaja całkam zachavałasia z 90-ch. Jana pracuje, i ŭ joj taja ž cyrulnica
Biełaruski barbier źbiraje miljony prahladaŭ u tyktoku. Čym jon pryvablivaje?
Kamientary