46-hadovuju nastaŭnicu minskaj himnazii sudziać za hvałtoŭny seks z padletkam. Joj pahražaje da 10 hadoŭ kałonii
Iryna — piedahoh z dvaccacihadovym stažam.
Irynie K. 45 hadoŭ. Pa źviestkach prajekta Digital Intelligence Team, tolki adzin čałaviek u Biełarusi maje takija danyja. Jana minčanka.
Jak minimum z 2003 hoda Iryna pracavała ŭ niekalkich škołach i himnazijach Minska na roznych śpiecyjalnaściach — piedahoham dadatkovaj adukacyi, nastaŭnikam anhlijskaj movy. Admietna, što jana časta mianiała škoły.
U minułym hodzie padpracoŭvała ŭ Makdonaldsie na płoščy Banhałor. A raniej zajmałasia kramaj dziciačych rečaŭ.
Raniej u Iryny byŭ muž, ź jakim jany majuć ahulnych dziaciej. Ciapier para ŭ razvodzie.
Žančyna cikavicca tancami i roznymi praktykami pa samaraźvićci, a taksama padarožničaje — prynamsi, takuju infarmacyju možna adšukać u archiŭnych sacsietkach.
Ciapier imia Iryny K. źjaviłasia ŭ raskładzie sudoŭ. Jaje pačnuć sudzić u Centralnym sudzie Minska 24 lutaha.
Irynu vinavaciać pa dvuch artykułach — «raspusnyja dziejańni z asobaj, jakaja nie dasiahnuła 16-hodździa z užyvańniem hvałtu abo pahrozaj jaho prymianieńnia» (č. 2 art. 169 KK), a taksama «pałavyja znosiny z asobaj, jakaja nie dasiahnuła 16-hodździa, ździejśnienyja asobaj, na jakuju ŭskładzienyja abaviazki pa hadavańni, utrymańni, zabieśpiačeńni biaśpieki žyćcia i zdaroŭja niepaŭnaletniaha» (č. 2 art. 168 KK). Joj pahražaje ad troch da dziesiaci hadoŭ kałonii.
Admietna, što Iryna K. ciapier na voli. Da suda jaje pakinuli doma ź dziećmi. Žančyna kamientuje dopisy praz svaje sacsietki, apošni raz jana niešta pisała paru dzion tamu.
«Naša Niva» — bastyjon biełaruščyny
PADTRYMAĆPijaniera biełaruskaha internetu Uładzimira «Elefant» Nieŭmiaržyckaha sudziać za zhvałtavańnie dziciaci
«Skazaŭ chłopčyku, što bačyć u im akciorskija danyja». Viadomaha minskaha artysta sudziać pa piaci artykułach za piedafiliju
Minskamu kucharu pahražaje da 25 hadoŭ źniavoleńnia pa piaci artykułach — čatyry palityčnyja i adzin za piedafiliju
Kamientary