Futbolny kłub «Maksłajn» paśla vychadu ŭ vyšejšuju lihu pamianiaŭ nazvu
Kamanda ź Viciebska ŭpieršyniu ŭ historyi zavajavała prava ŭdzielničać u elitnym dyvizijonie čempijanatu Biełarusi, ale startavać u im mahła pry vykanańni adnoj umovy — źmieny nazvy.
Źmiena nazvy źviazanaja z umovami licenzavańnia biełaruskich kamand u suviazi ź pierachodam u vyšejšuju lihu, składzienymi Biełaruskaj fiederacyjaj futboła.
Zhodna z praviłami, kłuby vyšejšaj lihi nie mohuć nazyvacca imieniem bukmiekierskich kantor. U vyniku «Maksłajnu» pryjšłosia skaracicca da dźviuch zahałoŭnych litar «MŁ», da jakich dadali nazvu horada Viciebsk. Takim čynam, kłub ciapier nazyvajecca MŁ Viciebsk.
Raniej «Maksłajn» bazavaŭsia ŭ Rahačovie, adnak infrastruktura miascovaha stadyjona nie adpaviadała patrabavańniam licenzavańnia ŭ vyšejšych dyvizijonach čempijanatu Biełarusi, tamu ŭ 2023 hodzie kłub pierabraŭsia ŭ Viciebsk. A ŭžo ŭ 2024 hodzie kamanda ŭziała srebranyja miedali ŭ pieršaj lizie i zavajavała prava pierajści ŭ vyšejšuju.
Ciapier kiraŭnik «Maksłajna» Arciom Lavonaŭ zajaviŭ, što mety i čakańni ŭ jahonaj kamandy vielmi ambicyjnyja — trapić u trojku najlepšych u čempijanacie i vyjhrać Kubak Biełarusi.
Kamientary