Administracyja prezidenta ZŠA Džo Bajdena apaviaściła kanhres, što płanuje śpisać doŭh Ukrainy na $4,65 młrd, paviedamlaje Bloomberg sa spasyłkaj na adpaviedny list.
Hetaja suma — pałova kredytu na $ 9 młrd, jaki ZŠA dali Ukrainie ŭ ramkach dadatkovaha, uchvalenaha ŭ krasaviku pakieta dapamohi ŭ pamiery $ 60 młrd.
U Dziarždepartamiencie ličać, što śpisańnie doŭhu «dapamoža Ukrainie atrymać pieramohu, adpaviadaje nacyjanalnym intaresam Złučanych Štataŭ i ich partnioraŭ pa ES, G7+ i NATA», havorycca ŭ liście.
Hety krok źjaŭlajecca častkaj bolš šyrokich namahańniaŭ Bajdena, jaki imkniecca nakiravać Ukrainie jak maha bolš dapamohi da prychodu ŭ Bieły dom Donalda Trampa. Płan užo vyklikaŭ piarečańni z boku respublikancaŭ.
Naprykład, sienatar Rend Połzajaviŭ, što budzie damahacca hałasavańnia ŭ vierchniaj pałacie Kanhresa, kab «nie dać administracyi Bajdena pierakłaści adkaznaść za doŭh Ukrainy na amierykanski narod».
Ciapier čytajuć
Pratasievič: Viadomy vypadki, kali źniavolenyja admaŭlalisia pryznavać vinu i ŭsio adno atrymlivali pamiłavańnie1
Kamientary