Pamiatajecie 65-hadovuju palitźniavolenuju, jakaja za kratami złamała šyjku ściahna? Jana na svabodzie
Irynu Alabovič trymali ŭ SIZA KDB, a paśla prysudzili try hady kałonii za kamientar pra Karpiankova.
Zatrymali Irynu 28 sakavika 2022 hoda na padstavie kryminalnaj spravy ab abrazie Mikałaja Karpiankova. Da jaje z vobšukam pryjšli dva milicyjanty, zabrali telefon, pravieryli nik u telehramie, paśla hetaha pakazali svaju razdrukoŭku ź jaje nikam i kamientarom, i aryštavali.
Žančynu abvinavacili pa troch artykułach Kryminalnaha kodeksa: 364 («Hvałt albo pahroza prymianieńnia hvałtu ŭ adnosinach da supracoŭnika orhanaŭ unutranych spraŭ»), 368 («Abraza Łukašenki») i 369 («Abraza pradstaŭnika ŭłady»).
U Iryny byli prablemy ź ciskam i cukrovy dyjabiet, ale joj nie akazvałasia nieabchodnaja miedycynskaja dapamoha za kratami.
U 2022 hodzie, kali žančyna pryjechała ŭ homielskuju kałoniju, jana złamała šyjku ściahna i praviała bolš za hod u sančastcy. Kostki zraślisia niapravilna i Iryna doŭha čakała jakasnaj dapamohi i prateza. Joj nie vydavali navat chadunki, niahledziačy na toje, što jany byli ŭ kałonii. Prablema vyrašyłasia, dziakujučy svajakam žančyny.
Iryna Alabovič vyjšła pa pamiłavańni ŭ kancy 2024 hoda, da kanca terminu joj zastavałasia niekalki miesiacaŭ.
Kamientary