Bondarava tryumfuje: u Pałacie pradstaŭnikoŭ Marzaluku ŭsio ž nahadali pra deputackuju etyku praz «šval z Hrodna»
Danosčyca Volha Bondarava schadziła da Ihara Sierhiejenki i atrymała druhi adkaz na svoj zvarot. Hety joj spadabaŭsia bolš.
Usio pačałosia z taho, što deputat Ihar Marzaluk u teleefiry nazvaŭ «švallu z Hrodna» doktarku Alenu Stefanovič — paplečnicu Bondaravaj.
U adkaz Bondarava nakiravała zvarot u Pałatu pradstaŭnikoŭ z patrabavańniem
«dać acenku pavodzinam deputata Marzaluka I.A. i jaho publičnym vykazvańniam z vykarystańniem nienarmatyŭnaj leksiki ŭ dačynieńni da žančyny, zakonapasłuchmianaj hramadzianki Biełarusi».
Pieršy adkaz z parłamienta jaje nie zadavoliŭ: pryjšła standartnaja adpiska za podpisam staršyni pastajannaj kamisii PP NS pa dziaržaŭnym budaŭnictvie, miascovym samakiravańni i rehłamiencie Valancina Siemianiaki. Paśla hetaha ŭ svaim telehram-kanale Bandarava pryhraziła, što budzie skardzicca na deputataŭ niepasredna Łukašenku.
Adnak 30 śniežnia joj pryjšoŭ druhi adkaz, taksama za podpisam Siemianiaki. Miarkujučy pa ŭsim, Bondarava paskardziłasia na Marzaluka jašče raz, pryčym nie tolki ŭ piśmovaj formie: jana asabista naviedała pryjom u staršyni nižniaj pałaty Ihara Sierhiejenki.
Bondaravaj paviedamili, što Marzaluku zrabili zaŭvahu i paprasili niaŭchilna vykonvać praviły deputackaj etyki.
Ciapier Bondarava patrabuje ad deputata publičnych vybačeńniaŭ u teleefiry.
Pałata pradstaŭnikoŭ prysłała Bondaravaj adpisku pa spravie Marzaluka i «švali» z Hrodna
Chto taja žančyna, jakuju Marzaluk u efiry BT abazvaŭ «švallu z Hrodna», i što jana piša ŭ čatach? Raskazvajem pra doktarku Stefanovič
«Niejkaja šval u Hrodnie». Marzaluk prajšoŭsia pa Bondaravaj i jaje paplečnikach
Na «Marafonie adzinstva» ŭ Mahilovie Marzaluk hramiŭ vorahaŭ słovami Karatkieviča
Marzaluk: Mianie razdražniaje hetaja mantra — «u nas jedinaja istorija, u nas jedinyj jazyk»
Bondarava zaklikała pakarać Marzaluka. Ale padviała siabie pad 15 sutak za repost «NN»
Kamientary