Pamior samy stary tyktokier Biełarusi. Dziadula Hiena pražyŭ 93 hady
«Ja dzied Hiena. Prosty biełaruski dzied. Mnie 93 hady. Ja pražyŭ doŭhaje žyćcio», — kazaŭ jon u pieršym roliku.
«3 žniŭnia nie stała našaha lubimaha dziaduli Hieny», napisali jahonyja ŭnuki i raźmiaścili raźvitalny rolik.
Staronka ŭ tyktoku źjaviłasia niekalki miesiacaŭ tamu. 93-hadovy dziadula Hienadź paprasiŭ karystalnikaŭ padpisvacca, kab «siabravać i kantaktavać», piša Telegraf.news
«Ja dzied Hiena. Prosty biełaruski dzied. Mnie 93 hady. Ja pražyŭ doŭhaje žyćcio. Padpisvajciesia na mianie, budziem z vami razmaŭlać i siabravać», — raspavioŭ dziadula ŭ pieršym videaroliku na svajoj staroncy ŭ TikTok.
Jon dadaŭ, što lubić žarty i humar i hatovy raspaviadać cikavyja historyi i dzialicca sakretami daŭhalećcia.
Na staroncy dziaduli źmiaścili niekalki videarolikaŭ, jakija jamu, vierahodna, dapamahała zdymać jaho ŭnučka. U ich Hienadź hatavaŭ chaładnik, kaštavaŭ kłubnicy i praviaraŭ pamiać.
U adnym ź videarolikaŭ dziadula raspavioŭ, što raniej pracavaŭ kiroŭcam i žyŭ u Navahrudskim rajonie, ale paśla śmierci žonki niekalki hadoŭ tamu pierajechaŭ u stalicu da dziaciej. Dziadula skazaŭ, što vielmi rady kamientaram i pryvitańniam ad svaich padpisčykaŭ, jakija ŭsie čytaŭ.
Karystalniki sacsietak vielmi ciopła reahavali na roliki. Niekatoryja navat zhadali, što ŭžo sustrakali Hienadzia ŭ sacsietkach, kali jaho žonka jašče była žyvaja, ale hety akaŭnt čamuści zabłakavali.
U kamientarach ludzi ciopła raźvitvajucca ź dziedam Hienadziem, pišučy dobryja słovy padziaki i pamiaci.
Ciapier čytajuć
Prarektarka BDU pisała ŭ KDB spravazdaču ab tym, jak sprabavała pieravychoŭvać siem studentaŭ fakulteta fiłasofii1
Kamientary
Ruzki dzied?