Mark Formelle da śviata raźviesiŭ na viarbie žanočyja staniki FOTAFAKT
Pierad śviatam 8 sakavika kampanija Mark Formelle upryhožyła viarbu pobač sa svaim hałoŭnym ofisam «kvietkami» z žanočaj nižniaj bializny.
«Nie varta ŭsprymać bializnavaje dreva litaralna. Heta art-abjekt, jaki simvalizuje tvorčaść, śviata, žyćcio, realizacyju žadańniaŭ. Jość dreva navahodniaje. Chaj budzie i dreva viasnovaje. U jakaści niezvyčajnaha dekoru vybrali toje, što źjaŭlajecca adnym z najbolš žadanych padarunkaŭ dla luboj dziaŭčyny napiaredadni śviataŭ», — raskryvajuć sens hetaha dziejańnia ŭ Mark Formelle.
Usiaho dla dekoru vykarystali kala sotni stanikaŭ, u tym liku navinki vytvorčaści.
Nie zastalisia ŭ baku i bujnyja kramy brendu. U vitrynach źjavilisia ružovyja art-drevy, a ŭ handlovych załach uładkavanyja śviatočnyja fotazony.
Kamientary