Kropka ŭ spravie ź pitonami. U Breście sudzili kiroŭcu aŭtobusa, jaki vaziŭ u Biełaruś źmiej
24.02.2025 / 17:4
Sudovaje pasiadžeńnie pa spravie palaka, jaki vaziŭ pitonaŭ u Biełaruś, prajšło ŭ Maskoŭskim sudzie Bresta.
U Biełaruś pitonaŭ sprabavali pravieźci dvojčy — vosieńniu minułaha hoda i ŭ lutym hetaha.
Napačatku lutaha kiroŭca aŭtobusa «Varšava-Minsk», jaki apynuŭsia palakam, schavaŭ pad ladoŭniaj 15 pitonaŭ u płastykavych kantejnierach. Tady na mytni źmiej znajšli – i pieradali ŭ zaapark.
Kiroŭcu aŭtobusa abvinavacili ŭ pieravozcy tavaraŭ, jakija treba dekłaravać, biez dekłaracyi (častka 2 art. 15.1 KaAP).
Siońnia pa jaho spravie prajšło sudovaje pasiadžeńnie. Maskoŭski sud Bresta pryhavaryŭ palaka da štrafu ŭ 25 bazavych vieličyń (1050 rubloŭ).
U 2024 hodzie pitonaŭ znajšli ŭ tym ža rejsavym aŭtobusie, ale schavanyja jany byli pad leśvicaj. Jak i ciapier, źmiej tady pieradali ŭ zaapark.