У Шклоўскім раёне загарэліся тры будаўнічыя вагончыкі
24.02.2025 / 16:23
Уключаны электраабагравальнік стаў прычынай пажару будаўнічых вагончыкаў у Шклоўскім раёне, паведамляе МНС.
Інцыдэнт здарыўся ноччу 24 лютага на тэрыторыі малочна-таварнага комплексу ў аграгарадку Дабрэйка. Ратавальнікаў выклікаў вартаўнік.
Загарэліся тры вагончыкі, якія выкарыстоўваліся для пераапранання рабочых. У выніку пажару знішчаны адзін вагончык і пашкоджаныя яшчэ два. Ніхто не пацярпеў.
Па папярэдніх даных, пажар мог пачацца з-за электраабагравальніка, пакінутага ўключаным без нагляду.