Hałoŭčanka naviedaŭ zaapark va Uhandzie FOTA
23.02.2025 / 21:10
Karmiŭ žyrafaŭ i prajaŭlaŭ cikaŭnaść da źmiej i krakadziłaŭ.
Raman Hałoŭčanka kormić žyrafa. Fota: softpower.ug
20—23 lutaha premjer-ministr Biełarusi ździejśniŭ vizity va Uhandu i Katar. U afrykanskaj krainie Raman Hałoŭčanka mieŭ niazvykły dla biełaruskich čynoŭnikaŭ adpačynak, zaŭvažyła vydańnie «Salidarnaść».
Va Uhandzie Hałoŭčanku pryniaŭ 80-hadovy prezident Joviery Kahuta Musievieni, jaki kiruje hetaj biednaj afrykanskaj krainaj až z 1986 hoda.
Biełaruski premjer raźviejaŭsia ŭ Adukacyjnym centry zachavańnia dzikaj pryrody Uhandy (UWEC), jaki taksama viadomy jak zaapark Entebe.
Raman Hałoŭčanka z nasaroham. Fota: softpower.ug
Raman Hałoŭčanka kormić žyrafa. Fota: softpower.ug
Raman Hałoŭčanka ŭ safary-aŭtobusie. Fota: softpower.ug
Pavodle miascovych ŚMI, Hałoŭčanka pahladzieŭ na słanoŭ, tyhraŭ, lvoŭ, nasarohaŭ, šympanze i žyrafaŭ. Taksama paviedamlajecca, što padčas pajezdki premjer-ministr Biełarusi «prajaviŭ cikavaść da reptylij, u tym liku źmiej i krakadziłaŭ, jakich nie było ŭ jaho pieršapačatkovym maršrucie».
Paśla Uhandy Hałoŭčanka adpraviŭsia ŭ Katar, dzie sustreŭsia z členami kirujučaj siamji Katara i pradstaŭnikami miascovaha biźniesu.
Raman Hałoŭčanka z uhandyjcami. Fota: softpower.ug