Hramadstva

U kałonii, dzie trymajuć Eduarda Babaryku, źmianiŭsia načalnik

Viktar Dubroŭka zajmaŭ pasadu bolš za 12 hadoŭ, a ciapier pajšoŭ na pavyšeńnie.

Viktar Dubroŭka. Fota: Naš čas

U kałonii №11 u Vaŭkavysku źmianiŭsia načalnik. 46-hadovy pałkoŭnik Viktor Dubroŭka, jaki kiravaŭ kałonijaj z 2013 hoda, pajšoŭ na pavyšeńnie. Ciapier jon pieršy namieśnik načalnika Departamienta vykanańnia pakarańniaŭ pa Hrodzienskaj vobłaści.

Jaho miesca na čale kałonii zaniaŭ 44-hadovy padpałkoŭnik Vital Šafałovič. Jon i raniej pracavaŭ u hetaj kałonii, doŭhi čas byŭ opierupaŭnavažanym apieratyŭnaha adździeła.

Viktar Šafałovič

U vaŭkavyskaj kałonii №11 dla recydyvistaŭ utrymlivajucca 15 palitviaźniaŭ, u tym liku Eduard Babaryka. Heta tyja ludzi, jakija mieli sudzimaści da taho, jak dałučylisia da demakratyčnaha ruchu, a taksama tyja, kaho administracyi kałonij karali za «niepadparadkavańnie».

Pavodle infarmacyi «Viasny», u Vaŭkavysku siadziać Aleh Haŭryłaŭ, Aleh Kacapaŭ, Alaksandr Aranovič, Alaksandr Nazarovič, Alaksiej Kudasaŭ, Alaksiej Čarnavusaŭ, Arciom Łapikaŭ, Vadzim Husieŭ, Ivan Saucin, Pavieł Niadbajła, Siarhiej Ramanaŭ, Uładzimir Bałabanovič, Eduard Babaryka, Jarvand Marcirasian, Jaŭhien Siamionaŭ.

Kamientary da artykuła