Śviet

Dalar i jena rastuć na fonie zajavaŭ Trampa ab taryfach i kantaktach ZŠA i RF pa Ukrainie

Dalar vyras adnosna takich valut, jak jeŭra, funt sterlinhaŭ, aŭstralijski i kanadski dalary, a taksama valut novych rynkaŭ, u tym liku mieksikanskaha piesa.

Prezident ZŠA Donald Tramp zajaviŭ ab namiery ŭvieści 25%-yja taryfy na impart aŭtamabilaŭ, što pryviało da rostu kursaŭ dalara i jeny ŭ sieradu. Heta adbyłosia na fonie paviedamleńniaŭ ab mahčymych dadatkovych pieramovach pamiž ZŠA i Rasijaj nakont spynieńnia vajny va Ukrainie, paviedamlaje «Hołas Amieryki».

U aŭtorak administracyja Trampa paćvierdziła, što damoviłasia pravieści dadatkovyja pieramovy paśla amierykana-rasijskaj sustrečy, jakaja prajšła ŭ Saudaŭskaj Aravii raniej na hetym tydni.

Dalar vyras adnosna takich valut, jak jeŭra, funt sterlinhaŭ, aŭstralijski i kanadski dalary, a taksama valut raźvivanych rynkaŭ, u tym liku mieksikanskaha piesa.

Jena, u svaju čarhu, umacavałasia adnosna bolšaści asnoŭnych valut — dalara, jeŭra, šviejcarskaha franka i funta sterlinhaŭ.

Rostu valuty papiaredničali zajavy Trampa ab uviadzieńni taryfaŭ na aŭtamabili «pryblizna na ŭzroŭni 25%», a taksama anałahičnych pošlin na paŭpravadniki i impartnuju farmaceŭtyčnuju pradukcyju.

U piatnicu Tramp abviaściŭ, što taryfy na aŭtamabili buduć uviedzieny ŭžo 2 krasavika — adrazu paśla taho, jak členy jaho kabinieta pradstaviać jamu spravazdačy z prapanovami nakont uviadzieńnia šerahu impartnych pošlin.

«Na rynku ŭsio jašče praciahvajucca razmovy pra taryfy. Heta zastajecca hałoŭnym faktaram ruchu valutnaha rynku (FX) ciapier, asabliva pa miery nabližeńnia žorstkich terminaŭ u dačynieńni da Kanady i Mieksiki», — adznačyŭ kiraŭnik handlovaha adździeła Moneycorp u Paŭnočnaj Amierycy Judžyn Epstyn.

Nahadajem, što ŭviadzieńnie taryfaŭ dla Mieksiki i Kanady było časova adkładziena.

«Apošnija paŭtara miesiaca my nazirali vahańni, źviazanyja z pytańniem «budzie jon ci nie budzie», «buduć jany ci nie buduć». Ciapier u nas źjaviłasia niejkaja peŭnaść», — dadaŭ Epstyn.

Kamientary da artykuła