Мінгандлю запатрабавала ад Wildberries зняць з продажу тавары з «недружалюбных краін»
19.02.2025 / 17:7
Міністэрства антыманапольнага рэгулявання і гандлю запатрабавала ў маркетплэйса Wildberries зняць з продажу тавары, вырабленыя ў «недружалюбных» Беларусі краінах. Гэта вынікае з паведамлення, апублікаванага на сайце ведамства.
Фота ілюстрацыйнае
«МАРГ 18 лютага 2025 года прадпісала Вайлдберыз ліквідаваць парушэнні заканадаўства аб абароне правоў спажыўцоў і 19 лютага 2025 года выдала патрабаванне аб спыненні рэалізацыі забароненых тавараў», — паведамляе ведамства.
МАРГ звяртае ўвагу, што ў прыватнасці гаворка ідзе пра парфумерыю і касметыку, аднак не прыводзіць канкрэтныя прыклады забароненых тавараў.
Чытайце таксама:
«Wildberries павінен працаваць на дзяржаву». На нарадзе ў Лукашэнкі была самая багатая жанчына Расіі
Каго з бізнэсменаў Лукашэнка паклікаў да сябе на нараду? Была і заснавальніца Wildberries