Kiraŭnik ofisa Zialenskaha abvinavaciŭ Biełaruś u pastaŭkach kampanientaŭ dla rasijskich rakiet
18.02.2025 / 21:43
Kiraŭnik Ofisa prezidenta Ukrainy Andrej Jarmak abvinavaciŭ Biełaruś u pastaŭcy kamplektujučych dla rasijskich rakiet X-69.
Rakieta X-69. Fota: Wikimedia Commons
«Rasijanie vykarystoŭvajuć u vyrabie rakiet X-69 kampanienty, jakija zroblenyja ŭ Biełarusi», — napisaŭ palityk u svaim telehram-kanale.
Andrej Jarmak nie ŭdakładniŭ, pra jakija mienavita kampanienty idzie havorka i jakija mienavita biełaruskija pradpryjemstvy ich robiać. Sama rakieta X-69 kłasa «ziamla-pavietra» była ŭpieršyniu pradstaŭlenaja ŭ 2022 hodzie.
Raniej paviedamlałasia, što Biełaruś pastaŭlaje ŭ Rasiju elemienty zachodniaj vytvorčaści dla źniščalnikaŭ, rakiet i bieśpiłotnikaŭ. Biełaruskija kampanii ź vieraśnia 2022 da červienia 2024 hoda pradali rasijskim pradpryjemstvam mikraschiemaŭ bolš čym na 125 młn dalaraŭ.
Čytajcie taksama:
Jak «Intehrał» abychodzić sankcyi i dapamahaje Rasii ŭ vajnie
Kitaj nie škaduje nijakich hrošaj, kab pierakupić technałahičnyja talenty
Indyja stała druhim pa vieličyni paśla Kitaja pastaŭščykom krytyčna važnych technałohij u Rasiju