Лаўроў заявіў, што не бачыў трохэтапнага мірнага плану па Украіне
18.02.2025 / 17:35
Міністр замежных спраў Расіі Сяргей Лаўроў заявіў, што дэлегацыі Расіі і ЗША дасягнулі ўзаемаразумення па розных пытаннях, але гэта не абавязкова азначае, што іх пазіцыі зблізіліся.
Сяргей Лаўроў на перамовах у Эр-Рыядзе. Фота: Evelyn Hockstein/Pool Photo via AP
Лаўроў пракаментаваў расійскім журналістамі паведамленні аб тым, што ЗША і Расія нібыта распрацавалі трохэтапны план па заканчэнні вайны, які прадугледжвае спыненне агню, выбары ва Украіне і толькі потым — мірнае пагадненне.
Кіраўнік МЗС Расіі заявіў, што ён не бачыў такі план, але бачыў паведамленні пра план, які спецпасланнік ЗША па Расіі і Украіне Кіт Келаг нібыта прадставіў Польшчы. Гэты план, з ягоных слоў, амерыканская дэлегацыя ў Эр-Рыядзе назвала фэйкам.
Каментуючы магчымыя перамовы аб Украіне, Лаўроў сказаў, што спачатку ЗША, а затым Расія павінны прызначыць прадстаўнікоў, пасля чаго бакі пачнуць рэгулярныя кансультацыі.
Чытайце таксама:
Сталі вядомыя важныя ўмовы для мірнага пагаднення паміж Расіяй і Украінай
ЗША і Расія дамовіліся аб аднаўленні ранейшай колькасці штату пасольстваў
Крэмль: Пуцін гатовы да перамоваў з Зяленскім
У Расіі вызвалілі амерыканца, якога нядаўна затрымалі за канабіс у багажы