Mask zaklikaje zakryć «Radyjo Svaboda» i «Hołas Amieryki»
9.02.2025 / 18:58
Miljarder Iłan Mask, kiraŭnik Departamienta dziaržaŭnaj efiektyŭnaści ZŠA (DOGE), praciahvaje šukać sposaby sekanomić amierykanskija hrošy.
Iłan Mask pry Trampie staŭ kiraŭnikom Departamienta dziaržaŭnaj efiektyŭnaści ZŠA (DOGE). Fota: Beata Zawrzel / NurPhoto via Getty Images
Na hety raz Mask zaklikaŭ zakryć miedyja «Hołas Amieryki» i «Radyjo Svaboda». Jon napisaŭ pra heta paśla taho, jak śpiecyjalny pasłańnik prezidenta ZŠA ŭ asablivych misijach Ryčard Hreneł nazvaŭ hetyja miedyja prytułkam levych aktyvistaŭ.
«Tak, zakryjcie ich.
1. Jeŭropa ciapier volnaja (nie ličačy jarma biurakratyi).
2. Ich bolš nichto nie słuchaje.
3. Heta prosta šalonyja radykalnyja levyja, jakija razmaŭlajuć sami z saboj, spalvajučy pa 1 miljardu dalaraŭ na hod sa srodkaŭ padatkapłacielščykaŭ ZŠA», — napisaŭ Mask u sacsietcy X.
«Radyjo Svaboda» finansujecca amierykanskim uradam. Miedyja viaščaje na 27 nacyjanalnych movach u 23 krainach Uschodniaj Jeŭropy, Centralnaj Azii, Kaŭkazu i Blizkaha Uschodu. Biełaruskaja słužba «Radyjo Svaboda» pracuje ŭžo 70 hadoŭ.
«Hołas Amieryki» finansujecca amierykanskimi padatkapłacielščykami ŭ ramkach ahienctva ZŠA pa hłabalnych miedyja. Viaščaje na 45 movach.
Čytajcie taksama:
Časopis Time na svajoj novaj vokładcy pasadziŭ Iłana Maska za prezidencki stoł
Prodažy Tesla na jeŭrapiejskich rynkach surjozna ŭpali — mahčyma, z-za reputacyi Maska
Iłan Mask vystupiŭ na pieradvybarnym mierapryjemstvie «Alternatyvy dla Hiermanii»