Грамадства

Шарэнда-Панасюк: Гэта як уваскрашэнне з мёртвых. Я думала, што ўжо не выйду

Былая палітзняволеная Паліна Шарэнда-Панасюк выехала з Беларусі і сёння прыехала ў Вільню. На вакзале яе чакалі муж Андрэй Шарэнда і шмат іншых беларусаў.

Паліна Шарэнда-Панасюк упершыню за чатыры гады абняла мужа:

«Гэта як уваскрашэнне з мёртвых. Я думала, што ўжо не выйду», — сказала яна.

Людзі на вакзале Вільні сустрэлі яе скандаваннем «Жыве Беларусь!»

«Усе гэтыя гады за кратамі я ўяўляла сабе гэты момант, — сказала Паліна праз слёзы. — Вялікі дзякуй!»

Людзі суцяшалі, калі яна расплакалася: «Усё скончылася нарэшце».

«Нічога не скончылася, — адказала яна. — Скончыцца, калі ўсе выйдуць».

@nashaniva Беларусы суцяшалі Паліну, калі яна расплакалася: «Усё скончылася нарэшце». «Нічога не скончылася, — адказала яна. — Скончыцца, калі ўсе выйдуць» #беларусь #новостибеларуси #жывебеларусь #навіны #белорусы #политзаключенные #бчб ♬ suara asli - milenia - ulinnuha

Каментары да артыкула