Palina Šarenda-Panasiuk vyjechała ź Biełarusi
6.02.2025 / 16:15
Palitźniavolenaja Palina Šarenda-Panasiuk, jakaja vyjšła na volu ŭ subotu, vyjechała ź Biełarusi i chutka sustreniecca ź blizkimi.
Palina Šarenda-Panasiuk. Fota z sacyjalnych sietak
«Palina ŭ biaśpiecy! Siońnia budziem jaje sustrakać!», — napisaŭ jaje muž Andrej Šarenda ŭ fejsbuku.
U bližejšyja hadziny jana sustreniecca z mužam i dziećmi.
1 lutaha stała viadoma, što Palina Šarenda-Panasiuk vyjšła na volu paśla zakančeńnia čaćviortaha terminu. Za kratami jana praviała čatyry hady i adzin miesiac.
Palina Šarenda-Panasiuk była zatrymanaja ŭ studzieni 2021 hoda i ŭ červieni prysudžanaja da dvuch hadoŭ pazbaŭleńnia voli pavodle art.364, 368 i 369 KK (abraza Łukašenki i pradstaŭnika ŭłady, hvałt u dačynieńni da milicyjanta). Adbyvać pakarańnie jaje adpravili ŭ žanočuju kałoniju № 4 U Homieli.
Jana pavinna była vyjści na volu ŭ 2022 hodzie, ale joj dvojčy dadavali pa hodu kałonii.
Palinu čakajuć dvoje synoŭ — Słavamir i Stach.