Za ŭdzieł u pratestach sudziać vykładčycu Univiersiteta fizkultury
17.01.2025 / 6:0
Elina Łapuchina — byłaja prafiesijnaja baskietbalistka.
Elina Łapuchina, fota ź jaje fejsbuka
51-hadovaja Elina Łapuchina (Chaćko) zrabiła baskietbolnuju karjeru, hulała za kłuby BDPU (Minskaja vobłaść, 1992—1995), «Akademija» (Minskaja vobłaść, 1996—1998), «Biarezina» (Barysaŭ, 1998—2007). Jana była čempijonkaj Biełarusi ŭ 2002 hodzie, a taksama dziesiać razoŭ vyjhravała srebnyja i bronzavyja miedali čempijanatu Biełarusi.
Paśla skančeńnia karjery ŭ 2007 hodzie Łapuchina stała vykładać u Biełaruskim dziaržaŭnym univiersitecie fizičnaj kultury. Taksama jana zajmajecca trenierskaj dziejnaściu.
Elina Łapuchina, fota sportedu.by
23 studzienia 2025 hoda Elinu Łapuchinu pačynajuć sudzić u sudzie Savieckaha rajona Minska. Joj inkryminujecca ŭdzieł u pratestach (č.1 art. 342 Kryminalnaha kodeksu). Mahčymaje pakarańnie — ad aryštu da 4 hadoŭ kałonii. Sudździa — Siarhiej Šaciła.
Čytajcie taksama:
Byłoha amapaŭca razam z dačkoj sudziać u Minsku za ŭdzieł u akcyi pratestu