Hramadstva

Na Palinu Šarendu-Panasiuk znoŭ zaviali kryminalnuju spravu za niepadparadkavańni administracyi

Palinu Šarendu-Panasiuk treci raz abvinavacili ŭ niepadparadkavańni administracyi kałonii (artykuł 411 KK), raskazaŭ «Miedyjazonie» muž Paliny, Andrej Šarenda.

Palina Šarenda-Panasiuk

«Pryviali niejkaha dziažurnaha advakata i pry im usie zrabili», — skazaŭ Andrej Šarenda.

Žančyna pavinna była vyjści na volu 21 traŭnia. Pa słovach Šarendy, u apošni čas u jaje było niekalki spahnańniaŭ, jašče jaje źmiaščali ŭ ŠIZA i PKT.

Svajaki chacieli prynieści aktyvistcy pieradaču, ale ŭ ich jaje nie ŭziali — u SIZA skazali, što «chtości ŭžo prynios pradukty ranicaj».

Maci dvaich dziaciej Palina Šarenda-Panasiuk była pieršapačatkova asudžanaja na dva hady pazbaŭleńnia voli. Potym jaje jašče dvojčy pakarali pa artykule 411 KK RB za «niepadparadkavańnie administracyi». Takim čynam, ahulny termin skłaŭ užo 4 całkam adbytyja hady pazbaŭleńnia voli.

@nashanivanews Palitźniavolenuju Palinu Šarenda-Panasiuk nie vypuścili na volu #biełaruś #žyviebiełaruś #łukašienko #navinybiełarusi #biełaruskajamova #biełorusy #biełaruśnovosti ♬ Crime Scene - Avery Alexander

Uvieś hety čas žančyna padviarhałasia mocnamu psichałahičnamu cisku i spahnańniam u kałonijach PK-4 i PK-24. Taksama źjaŭlalisia paviedamleńni, što jaje źbivali ŭ kałonii. 

Peŭny čas tamu praŭładnyja kanały apublikavali «intervju» z Palinaj. U im jana skazała, što napisała prašeńnie ab pamiłavańni i spadziajecca na stanoŭčy vynik.

Kamientary da artykuła