Nabližany da Łukašenki biznesoviec zbudavaŭ kompleks nasuprać Pałaca Niezaležnaści. Voś jak jon vyhladaje
2.04.2023 / 16:29
Na praśpiekcie Pieramožcaŭ u Minsku zaviaršajecca budaŭnictva šmatfunkcyjanalnaha kompleksu. Jaho realizuje kampanija «BiełHłobałHarant», suzasnavalnik jakoj — biznesmien i eks-kiraŭnik Biełaruskaj tenisnaj fiederacyi Siarhiej Ciacieryn. Pieršapačatkovy prajekt budynka źviedaŭ źmieny. Jak jon vyhladaje ciapier, pakazvaje Realt.by.
Fota tut i dalej: realt.by
Uzimku 2021 hoda Minharvykankam pieradaŭ u arendu kampanii «BiełHłobałHarant» dva ŭčastki ahulnaj płoščaj kala 2,6 hiektara na miescy aŭtastajanki pamiž Respublikanskim centram alimpijskaj padrychtoŭki pa tenisie i praśpiektam Pieramožcaŭ.
Tady ž tut pačali budavać šmatfunkcyjanalny kompleks. Jaho prajekt pieršapačatkova raspracoŭvała «Tvorčaja majsternia 7». Jon byŭ takim:
Kančatkovy ž prajekt budynka raspracavała kampanija Viaset. U vyniku jon budzie voś takim:
Ciapier budaŭnictva ŭžo na finišnaj stadyi. Vizualna kompleks na 32 tysiačy kvadratnych mietraŭ amal hatovy. Praŭda, zdać jaho pavinny byli jašče ŭ vieraśni 2022 hoda.
Budynak ujaŭlaje saboj try aŭtanomnyja korpusy, u jakich raźmieściacca 40 ofisaŭ kłasa A: na źmienu kalidornamu raźmiaščeńniu tut prychodzić apartamientnaje z dvuchbakovym aśviatleńniem.
Budzie pabudavany parkinh. Pa susiedstvie z kompleksam mieścicca Respublikanski centr tenisa, tamu nad parkinham pabudujuć šeść tenisnych kortaŭ. Budaŭnictva kortaŭ, darečy, było adnoj z umoŭ pieradačy «BiełHłobałHarantu» ziamielnych učastkaŭ.
Pad budynkam pabudujuć i padziemny parkinh. Ź jaho možna budzie trapić u choł kompleksu, nie vychodziačy na vulicu. Na cokalnym paviersie raźmieściacca piać kram.
Siarhiej Ciacieryn časta supravadžaje Alaksandra Łukašenku ŭ pajezdkach i zbory kavunoŭ, jaho nazyvajuć asabistym masažystam biełaruskaha dyktatara.
Čytajcie taksama:
Učastak u Biełaviežskaj puščy pradali z aŭkcyjonu za 40 tysiač rubloŭ
«Najlepšy zaharadny dom u Biełarusi, premium-kłas!» Jakija damy pradajuć na bierazie Naračy
«Abmierkavali, vyrašyli — pahnali!» Pabudavali modnuju trochvuholnuju chatu-šale ŭsiaho za paŭhoda